مــنــتــديـــاتـــــ احـــبـــــابــــــ

احـــبــــاب احـــــــبـــــــــاب احـــبــــاب
 
اليوميةاليومية  الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  الأعضاءالأعضاء  المجموعاتالمجموعات  دخول  

شاطر | 
 

 يوم فى حياة مواطن مصرى قديم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sasuke
عضو مميز
عضو مميز


انثى
عدد الرسائل : 129
العمر : 24
نشاط العضو :
15 / 10015 / 100

. :
رقم العضويه : 4
احترام قوانين المنتدى :
تاريخ التسجيل : 13/12/2007

مُساهمةموضوع: يوم فى حياة مواطن مصرى قديم   الجمعة ديسمبر 21, 2007 11:00 am

دى
قصة شاب مصرى قديم كان طالب فى كلية حفر المقابر معبد أبيدوس لأن مجموعه
مجبش معبد منف ولقينا البردية دى فى مقيرته واللى بيحكى فيها عن اخر يوم
فى إمتحان البكالوريوس..........

الأم: قوم يا نفر هتتأخر على المعبد ده آخر يوم ليك يا بنى
نفر: حاضر يا ماما هى الساعة
كام؟.....ماما......ماماا.......هو محدش بيرد ليه.......يوووووووووووه يا
ماما كام مرة أقولك لما الميه بتاعت الساعة تخلص ابقى اميلها تانى

الأم: انا معرفش بقى فى الأختراعات بتاعت اليومين دول!!!!!!!!!!!
نفر: إختراعات ايه بس أنتوا مش ناويين تتطوروا
أبدا........ماما فين الشنديت الجديد اللى جبته أمبارح من عتب وى (الأسم
القديم للعتبة)

الأم: ما تلبسش الجديد دلوقتى خليه تلبسه فى العيد
نفر: يوووووووووه انا ماليش دعوة انا هلبسه النهارده
الأم: هتلاقيه عندك فى الصندوق انجز يا فالح هتتأخر
نفر: صباح الخير يا بابا
الأب: صباح النور يا نفر مذاكر كويس
نفر: الحمد لله بس ايدك ع المصروف
الأب: أنت متبطلش طلبات كل حاجة هات مفيش مرة خد
نفر: فى يا بابا خد بالك من صحتك
الأب: هزر يا خفيف ......امسك
نفر: ايه ده كيس قمح؟؟؟ ده ما بيجبش علبة سجاير حتشبسوت (نظرا لأن القصة حدثت قبل عهد كيلوباترا بكتيررررر)
الأب : ايه ده أنت بتشرب سجاير من ورايا
نفر : لا والله بس كيس القمح مبيعملش حاجة طب خليهم كيسين أو ادينى كيس شعير طيب
الأب : وأنا اجيبلك منين أنا موظف على قد حالى يدوب عامل فى الجبانة الملكية واللى جاى على قد اللى رايح

" و خرج نفر من البيت "
نفر : يووووووووووووه كالعادة هروح المعبد مشى ولسه هعدى على الواد إنبوا
"انبوا هو صديق نفر يا جماعة "

نفر : واد يا إنبوا إنبوا إنبووووووووووووووووووووو
إنبوا : ايوة
نفر : يالا عشان نلحق الأمتحان
إنبوا : أنا جاهز من بدرى أنت اتاخرت ليه ؟؟...... ايه يا عم الحاجات الجامدة دى جامد اوى الشنديت الجديد ده جايبه منين ؟؟؟؟؟؟؟؟؟؟؟
نفر : من مول تا ما عت حتب ( الأسم القديم لطلعت حرب مول ) مستورد من فينيقيا ما انت عارف طول عمرى مبحبش البس غير المستورد.
إنبوا : يا ابن الفشارة ( بصوت واطى )
نفر : بتقول ايه
إنبوا : بقول مين قدك يا عم

" فى المعبد "
نفر : يالا يا إنبوا اللجنة شكلها بدأت
الكاهن ( المراقب ) : يالا يا اخويا أنت و هو كل
واحد يعقد مكانه ولما تستلموا طوبة الأسئلة محدش يكتب عليها غير اسمه و
رقم جلوسه زمن الأمتحان عشر ساعات السؤال الأول إجبارى والسؤال التانى
اللى مش عايز يحله ميحلوش
.
نفر : لو سمحت يا حضرة الكاهن
الكاهن ( المراقب ) : ايوة يا سيدى عاوز ايه
نفر : آخر حرف من تالت كلمة بومه ولا نسر؟؟؟؟
الكاهن ( المراقب ) : بص فى طوبتك يا أخويا وبلاش استعباط الطوبة واضحة زى رع
( رع ده يا جماعة اسم الشمس عند المصريين القدماء )

" وبعد 8 ساعات خرج نفر من اللجنة "
نفر : يالا يا إنبوا انجز أنت لازم تعقد لآخر اللجنة
إنبوا : أنت خرجت بدرى ازاى ده الوقت يدوب يكفى
نفر: بص أنا مبحبش اوجع دماغى المهم انت عملت ايه ؟؟؟؟؟
إنبوا : الحمد لله وأنت؟؟؟؟
نفر : تمام يالا نلحق نروح بقى عشان أنا جعان اووووووووى
إنبوا : مش هنعقد ع القهوة شوية
نفر : لا يا عم أنا مفلس
إنبوا : و لا يهمك أنا هعزمك
نفر : طبعا ما أنت أبوك حامل المروحة الملكية مين قدك
إنبوا : القر ده هو اللى جايبنا ورا

" رجع نفر البيت "
نفر : ازيك يا ماما
الأم : عملت ايه يا حبيبى
نفر : الحمد لله طبخالنا ايه بقى أنا هموت من الجوع
الأم : عاملالك محشى ورق بردى تاكل صوابعك وراه
نفر : يا ماما مبحبش البردى معملتيش دقية لوتس ليه ؟؟؟؟؟
الأم : ما أنت عارف اللوتس مبيبقاش حلو من غير فراخ و أبوك بيخاف ياكل فراخ عشان انفلوانزا الطيور
نفر : يا ماما عادى ابقى حطى حبتين انتيفلو او نوفلو فى الشوربة
الأم : طيب خلص يا ظريف و روح ساعد أبوك
نفر : يوووووووووووووووووووووه هو كل يوم انا زهقت بقى من المقبرة اللى قاعدين نحفر فيها من و انا فى كى جى 2
الأم : معلش يا ابنى لازم كده امال لما نموت هنروح العالم الآخر ازاى بالسوبرجيت مش لازم مقبرة
نفر : حاضر حاضر م اهو لو كنا أغنيا كنا جبنا حد
يحفرها لنا وع فكرة بقى أنا مش هاكل البردى انا هطلب ديلفرى من عند بيتزا
عت حتب " الأسم القديم بيتزا هت "

" و على الضفة الغربية للنيل "
نفر : ازيك يا بابا
الأب : أهلا يا نفر عملت ايه فى الامتحان؟؟؟؟
نفر : الحمد لله مش عايز مساعدة؟؟؟؟
الأب : جيت فى وقتك خد الألوان دى و لون النقوش
بتاعت حجرة الدفن بس عايزك تظبطنا عشان لما نبعث فى العالم الآخر نبقى ميه
ميه و حاول مترسمليش كرش مش عايز أبقى تخين فى العالم الآخر والولية امك
خليها صغيرة لحسن الولية هكعت اوووى مش هيبقى دنيا وآخرة

نفر : حاضر وهخلى نفسى طويل وشعرى أصفر
الأب : وما تنساش مائدة القرابين ظبطها و ارسم كل الأكل اللى بنحبه على قد ما تقدر
نفر : حاضر بس مش هارسم محشى ورق البردى مبحبوش....... بابا ايه رأيك أكتب أسمك فى خرطوش عشان تبقى ملك فى العالم الآخر ولا حاجة
الأب : لالالا أنت اتجننت متودناش فى داهية مكنش حد
غلب وبعدين اوزيرس مش بتاع كشرى عشان نضحك عبيه أكتبنى زى ما أنا وعايزك
تكتب أسم الملك ربنا يخليهولنا ويطول فى عمره فى خرطوش كبير وأتوصى و حط
ألقابه و ظبطه كده

نفر : اتوصى ايه أنت بتشترى فول وهو ايه ربنا يخليهولنا ده ده ملك .........................(جزء من البردية مفقود)
بس بس لحد يسمعنا المسلات ليها ودان خلينا ماشيين جنب الحيط
وهنا أنتهى النص الأصلى للبردية ولم يعثر على بقية البردية حتى الآن و يظهر أن امن الدولة له علاقة بالموضوع ........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sohbanet.com
DORNA
عضو مميز
عضو مميز
avatar

انثى
عدد الرسائل : 131
العمر : 29
البلد : المنصورة
نشاط العضو :
12 / 10012 / 100

. :
رقم العضويه : 9
تاريخ التسجيل : 19/12/2007

مُساهمةموضوع: رد: يوم فى حياة مواطن مصرى قديم   الجمعة ديسمبر 21, 2007 11:41 am

مواضيعك متميزة بجد و الله يا ساسكي
تسلم ايدك
موضوع جامد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sohbanet.com
أحمد البريمو
الــــمـــراقــب الـعــام
الــــمـــراقــب الـعــام


ذكر
عدد الرسائل : 220
العمر : 23
نشاط العضو :
15 / 10015 / 100

. :
رقم العضويه : 3
تاريخ التسجيل : 13/12/2007

مُساهمةموضوع: رد: يوم فى حياة مواطن مصرى قديم   السبت ديسمبر 22, 2007 6:31 am

ههههههه ... لو من تأليقك والله يبقى الإبداع من صفاتك

اقتباس :
( رع ده يا جماعة اسم الشمس عند المصريين القدماء )

affraid بتحسسينى إنى مدرستش تاريخ خالص ولا جغرفيا ولا حاجة

ههههه







موضوع جميل والله تقديرى ليكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.sohbanet.com/vb
ساره
نــائـبــة الــمــديــر
نــائـبــة الــمــديــر
avatar

انثى
عدد الرسائل : 206
العمر : 32
البلد : المنصوره
نشاط العضو :
10 / 10010 / 100

. :
رقم العضويه : 2
تاريخ التسجيل : 27/11/2007

مُساهمةموضوع: رد: يوم فى حياة مواطن مصرى قديم   الأحد ديسمبر 23, 2007 1:25 pm

هههههههههههههههههههههه

حلوه

تسلمى يا قمر على الضحكه الجميله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ale22x.ahlamontada.com/index.htm
 
يوم فى حياة مواطن مصرى قديم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــديـــاتـــــ احـــبـــــابــــــ :: احــبــابــ الــتــرفــيــهـــى :: المنتدى الترفيهى :: ضحكه من القلب-
انتقل الى: